Јувентус: Војничкиот поздрав на турскиот фудбалер Демирал не претставува прекршок

АНКАРА (АА) - Италијанскиот фудбалски клуб од Серија А, Јувентус, објави дека војничкиот поздрав на турскиот фудбалер Мерих Демирал не го прекршил етичкиот кодекс на клубот, јавува Anadolu Agency (AA).

Демирал ги прослави головите на неговиот тим со поздрав во војнички стил додека играше со турската репрезентација во квалификациските натпревари на ЕУРО 2020 против Франција и Албанија.

Сепак, УЕФА (Унијата на европските фудбалски асоцијации) соопшти дека отворила истрага на почетокот од овој месец во врска со овој потег, на барање од Франција.

Потпретседателот на Јувентус, Павел Недвед, потврди дека разговарал со Демирал за неговата прослава на голот.

„Разговарав со Демирал. Секој има своја слобода на изразување, од гледна точка на клубот. Сакавме да ги разбереме мислите на играчот за време на натпреварот со неговата репрезентација“, рече Недвед.

„Неговиот гест, дури и да е енергичен, од наша гледна точка, не го прекршува нашиот етички кодекс“, додаде Недвед.