Турскиот претседател ја одбележа 838-годишнината од освојувањето на Ерусалим

ИСТАНБУЛ (АА) - Турскиот претседател Реџеп Таип Ердоган денес ја одбележа 838-годишнината од освојувањето на Ерусалим, јавува Анадолу.

„На 838-годишнината од освојувањето на Ерусалим, со милост потсетувам на Салахудин ал-Ејуби, вториот освојувач на овој свет град, и неговите херојски војници“, истакна Ердоган на турската платформа за социјални медиуми NSosyal.

Ердоган, исто така, изрази одлучност да „се бори со решителност“ за Ерусалим, за кој рече дека е „наследство доверено“ од божјиот пратеник Мухамед и претходните божји пратеници.

Ерусалим, каде беше првата кибла на муслиманите, Мезџид ал-Акса, беше повторно освоен од Салахудин ал-Ејуби во 1187 година.