„Турција презема чекори за отстранување на тероризмот од агендата на регионот“, изјави Ердоган

АНКАРА (АА) - Претседателот на Турција, Реџеп Таип Ердоган, оствари телефонски разговор со претседателот на Обединетите Арапски Емирати (ОАЕ), шеикот Мухамед бин Зајед ал Нахјан, известува Анадолу.

Во соопштението што го објави Дирекцијата за комуникации на турското претседателство, Ердоган во текот на разговорот рекол дека направиле значаен чекор кон целосно отстранување на тероризмот од агендата на Турција и регионот преку процесот „Турција без терор“ и дека тоа решително ќе го продолжат.

Ал Нахјан рекол дека целта на Турција „Турција без терор“ значително ќе придонесе за регионалната безбедност и изрази надеж дека Турција успешно ќе го заврши тој процес.

Претседателот Ердоган истакнал дека може да се забележи позитивното влијание на стратешкото партнерство меѓу Турција и Обединетите Арапски Емирати врз секоја област и додаде дека двете земји поседуваат голем потенцијал во многу подрачја, особено во одбранбената индустрија и новите технологии.

Турскиот претседател истакнал дека неговата земја внимателно ги следи мировните преговори меѓу Азербејџан и Ерменија, кои започнаа во Абу Даби, и дека ќе продолжат да ги поддржуваат напорите за воспоставување мир на Кавказот.