"Istanbul Autoshow 2017" ги отвори вратите за посетителите

ИСТАНБУЛ (АА) - Под слоганот „Поглед одблизу во иднината“, во Истанбул, по 17. пат се одржува автомобилскиот саем "Istanbul Autoshow 2017", кој ги собра најатрактивните модели од 19 различни брендови од оваа индустрија, јавува Anadolu Agency (AA).

Саемот се одржува во истанбулскиот Конгресен центар ТУЈАП (TUYAP), а организаторот на саемот, Здружението на автодистрибутери денес ги отвори вратите на саемот за новинарите и за ВИП гостите.

Саемот официјално ќе биде отворен утре, а посетителите до 30 април ќе можат да ја видат богатата понуда на автомобилската индустрија, од најпродаваните до најлуксузните модели.

Автомобилите на денешницата и иднината на истанбулскиот саем ги претставуваат „Alfa Romeo“, „Aston Martin“, „Dacia“, „DFSK“, „Fiat“, „Ford“, „Honda“, „Hyundai“, „Jeep“, „Lexus“, „Mercedes“, „Mitsubishi“, „Nissan“, „Opel“, „Peugeot“, „Renault“, „Smart“, „SsangYong“ и „Toyota“.

Паралелно со ова, на саемот ќе бидат претставени и најновите технолошки достигнувања на автомобилската индустрија, како и иновации и други придружни содржини.

Влезот за жени и за деца во текот на неделата е бесплатен.