Аеродромот во Истанбул постави нов дневен рекорд по број на летови и патници

Аеродромот „ИГА Истанбул“ на 16 август го достигна највисокиот дневен број на летови и патници во Турција и Европа, со околу 290.287 патници што патувале со 1.739 лета, соопшти турскиот министер за транспорт и инфраструктура во неодамнешна изјава, пренесува Анадолу.

Абдулкадир Уралоглу изјави дека стратегиското значење на воздушниот центар во глобалната авијација продолжува да расте.

„Аеродромот во Истанбул се вбројува меѓу водечките аеродроми во светот со својот капацитет, силната инфраструктура и висококвалитетните услуги“, рече тој.

„Овој нов рекорд уште еднаш ја нагласува силната позиција што нашиот аеродром ја постигна како глобален центар“, додаде тој.