Во Турција фатени речиси 150 илегални мигранти

АНКАРА (АА) - Вкупно 149 илегални мигранти се фатени низ цела Турција, јавува Anadolu Agency (AA).

„Во централната област Сивас, во автобус се фатени 8 авганистански мигранти“, истакнаа извори.

Мигрантите немале документи за идентификација ниту дозволи за престој во Турција.

Преземена е правна постапка против возачот на автобусот.

Турската крајбрежна стража, исто така фати 62 илегални мигранти, вклучувајќи жени и деца, во чамец надвор од заливот Сигаџик во турската област Измир.

Од мигрантите, 24 се од Централноафриканската Република, 15 се од Конго, 10 од Мали, тројца од Палестина и по двајца од Буркина Фасо, Камерун, Того, Сенегал и Јемен.

Други 30 илегални мигранти - 22 Авганистанци и 8 Пакистанци се фатени во возила во североисточната област Артвин за време на патрола спроведена од жандармеријата.

Поради сомнеж за криумчарење со луѓе уапсени се 4 лица.

Во одделна операција во северозападната област Едерне, припадниците на безбедносните сили фатија 37 илегални мигранти од Пакистан и Бангладеш.

Во југоисточната област Газиантеп, безбедносните сили фатија 8 сириски мигранти и притворија едно лице поради сомнеж за криумчарење на луѓе.