Ердоган: „Меѓународната заедница се соочува со најголемиот испит во 21. век“

АНКАРА (АА) - Претседателот на Турција, Реџеп Таип Ердоган, во врска со борбата против пандемијата на новиот вид коронавирус (Ковид-19) истакна дека меѓународната заедница се соочува со најголемиот испит во 21. век, јавува Агенција Анадолија (АА).

Ердоган упати видео-порака до Самитот за Ковид-19 при Генералното собрание на Обединетите нации (ОН).

„[Борбата против Ковид-19] Меѓународната заедница се соочува со најголемиот испит во 21. век“, рече тој.

Турскиот претседател нагласи дека клучот за надминување на овој тежок период со пандемијата, е меѓународната соработка и глобалната солидарност.

„Важно е мерките да бидат сеопфатни, и да задоволуваат потребите на сензитивните и загрозените групи“, додаде Ердоган.

Според него, пандемијата нè потсети дека системот на ОН мора да се реформира во светло на денешните закани и потреби.

„Сметам дека Генералното собрание треба да зајакне со цел системот на ОН да биде подемократски, поефикасен, почесен и потранспарентен“, додаде турскиот претседател Ердоган.