Ердоган: „Наредните избори во Турција ќе се одржат во 2023 година“

АНКАРА (АА) - Турскиот претседател Реџеп Таип Ердоган изјави дека наредните избори во Турција ќе бидат одржани во 2023 година, јавува Агенција Анадолија (АА).

Говорејќи пред парламентарната група на турската владејачка Партија за правда и развој (AK PArti), Ердоган ги отфрли барањата на опозицијата за предвремени избори.

„Јуни 2023 година е датумот за избори во Турција. Ова е наша одлука како Народна алијанса, ова е датумот што го објавивме“, рече Ердоган, осврнувајќи се на изборната алијанса на АК Партијата и Партијата за национално движење (МХП).

„Владата ќе се залага уште посилно и ќе се погрижи Турција да не ја остави во рацете на опозицискиот Национален сојуз и неговите најголеми членки, Републиканската народна партија (ЏХП) и Партијата ИЈИ“, рече тој.

„Затоа ние велиме дека нема да оставиме сама ниту една куќа во која немаме влезено, нема да оставиме само ниту едно срце кое не го допревме и не го освоивме“, додаде тој.

„Ние ја управуваме земјата со политика на работа и служба“, додаде тој.

АК партијата ги негира гласините за предвремени избори и напорите за промовирање на предвремени избори, велејќи дека на земјата ѝ требаат години без избори за да може Владата да се концентрира на деловните активности на нацијата.

- Канал Истанбул -

Турскиот претседател исто така се осврна и на мегапроектот Канал „Истанбул“, велејќи дека тој ќе отвори ново поглавје во развојот на земјата.

„Една од најважните карактеристики на овој проект е тоа што тој ќе отстрани сериозен товар од гледна точка на урбаната трансформација и промена“, рече тој.

„Со проектот, официјалните лица можат да се фокусираат и на сеизмичките зони во Истанбул“, истакна тој, осврнувајќи се на ризикот од земјотреси.

„Ние сакаме нашите граѓани да продолжат да живеат на многу побезбедни места“, а не во „проблематични области“, рече тој.

„Ќе ги спроведеме овие операции во Истанбул со изградба на нови куќи отпорни на земјотреси [вдолж каналот]“, додаде Ердоган.

Ердоган истакна дека каналот ќе биде извор на националната гордост.

Планираниот канал од 45 километри ќе биде изграден западно од центарот на градот од европската страна на областа Истанбул.

Изградбата на каналот, со дневен капацитет од 185 пловни објекти, се очекува да заврши во 2025-2026 година.

Вкупното чинење на проектот е проценето на 15 милијарди долари, со шест нови моста што поминуваат преку каналот со вредност од 1,4 милијарди долари.

Околу половина милион луѓе ќе бидат вработени во градежните активности.

Мегапроектот, чија цел е да се спречат ризиците од пловни објекти кои носат опасни пратки низ Босфорскиот Теснец, беше одобрен од турското Министерство за животна средина и урбанизам.