Ердоган: Неуспешниот обид за државен удар на 15 јули означи една од најклучните пресвртници во историјата на Турција

ИСТАНБУЛ (АА) - Неуспешниот обид за државен удар на 15 јули 2016 година означи една од најклучните пресвртници во историјата на Турција, изјави денес турскиот претседател Реџеп Таип Ердоган, јавува Анадолу.

Говорејќи на церемонијата по повод Денот на демократијата и националното единство, 15 Јули, во Големото народно собрание во Анкара, Ердоган рече дека обидот за државен удар беше тежок тест кој државата и нацијата го надминаа со гордост.

„Ноќта на обидот за државен удар на 15 јули 2016 година, вистината дека Турција е поголема од само Турција уште еднаш беше јасно и многу силно разбрана“, рече тој.

Неуспешниот обид за државен удар во Турција, во кој загинаа 252 лица, а беа ранети 2.734, беше организиран и извршен од терористичката организација ФЕТО.