Истанбул: Пронајдени 5 килограми кокаин, приведена една Холанѓанка

ИСТАНБУЛ (АА) - Во рамки на една операција извршена на аеродромот „Ататурк“ во турскиот град Истанбул, приведена е една патничка од Холандија која носела 5 килограми и 358 грамa кокаин, јавува Anadolu Agency (AA).

Тимовите за борба против криминал со наркотици при Полициската дирекција во Истанбул ја следеа 27-годишната патничка Н.M.M. со потекло од Холандија, која на 29 октомври од бразилскиот град Сао Паоло пристигнала во Истанбул.

Осомничената била контролирана во терминалот, а носела кокаин со тежина од 5 килограми и 358 грама завиткан околу нејзиното тело.

Приведената Н.M.M. потоа е изведена пред суд, по што е притворена.