Полицијата уапси двајца припадници на ДЕАШ во Источна Турција

ЕЛАЗИГ (АА) - Турската полиција уапси две осомничени лица во Источна Турција поради нивна поврзаност со терористичката организација ДЕАШ, јавува Anadolu Agency (AA).

„Полицијата спроведе антитерористички операции на две локации во источната област Елазиг за да уапси две осомничени лица, за кои постојат наводи дека работат за ДЕАШ во Деир ез Зор и Ал Букамал во Сирија“, истакнаа безбедносни извори кои зборуваа под услов на анонимност.

Вчера во турската западна област Бурса беше уапсено лице од Сирија за кое се верува дека е т.н. емир на терористичката организација ДЕАШ.

Над 300 лица ги загубија своите животи во нападите на ДЕАШ во Турција, каде што терористичката организација ги има за цел цивилите во своите бомбашки, ракетни и вооружени напади.

Турските безбедносни сили се вклучени во долготрајната кампања за спречување на активностите на ДЕАШ.