Потона чамец со мигранти во Егејското Море, загина едно дете

БАЛИКЕСИР (АА) - Најмалку едно дете загина, а 33 лица се спасени при потонување на гумен чамец со непријавени мигранти во Егејското Море во западната турска област Баликесир, јавува Anadolu Agency (АА).

Турската крајбрежна стража спаси 33 од 35 мигранти од чамецот кој потона во подрачјето Ајвалик, а причините сѐ уште се непознати, вели изворот, кој зборуваше под услов да остане анонимен.

Операциите за спасување на едно исчезнато бебе се во тек, велат изворите.

Мигрантите се обидувале илегално да преминат во Европа преку Егејското Море.

Турција е главна рута за илегалните мигранти, кои се обидуваат да преминат во Европа, особено од 2011 година наваму, кога започна граѓанската војна во Сирија.