ИСТАНБУЛ (АА) - Турскиот министер за надворешни работи Хакан Фидан утре ќе присуствува на состанокот на министрите за надворешни работи на Д8 пред овонеделниот самит на групата во египетскиот главен град Каиро, јавува Анадолу.

На состанокот се очекува да стане збор за ситуацијата во Газа и други регионални прашања, извештајот за напредокот на Д-8 и следниот генерален секретар на групата.

Според турски дипломатски извори, на дневен ред се и буџетот на Секретаријатот на Д-8, прифаќањето на извештајот од состанокот на Министерскиот совет и подготовките за 11. Самит на Д-8, закажан за четврток.

Се очекува Фидан да побара запирање на израелскиот геноцид во Газа и на напорите за проширување на војната во Газа во регионален конфликт.

Тој, исто така, ќе ја нагласи важноста од унапредување на напорите за дводржавното решение заедно со итниот прекин на огнот.

Фидан, исто така, ќе ја нагласи важноста од доставување итна и континуирана хуманитарна помош за Газа и зајакнување на поддршката за Агенцијата на ОН за палестинските бегалци - УНРВА.

Се очекува тој да повика глобалниот притисок врз Израел и неговите поддржувачи да се засили на сите нивоа, користејќи ги сите расположливи средства.

Покрај тоа ќе го нагласи значењето на зајакнувањето на координацијата и соработката меѓу членките на Д-8 додека светот минува низ глобална економска и политичка трансформација.

- Обнова на Либан и Газа -

Фидан, исто така, се очекува да ја истакне важноста од целосно спроведување на повластен трговски договор одобрен од сите членки на Д-8.

Тој, исто така, ќе нагласи дека поддршката на малите и средни претпријатија ќе има клучна улога во создавањето можности за вработување на младата популација од земјите на Д-8.

Фидан, исто така, ќе предложи започнување на нови програми за поддршка на младите.

Турскиот министер се очекува да нагласи дека вонредниот состанок на Советот на министри за надворешни работи на Д-8 во јуни, организиран од Туркије во Истанбул, дал значителен придонес во регионалните напори.

Ќе ја нагласи потребата од меѓународна поддршка за обновата на Газа и Либан, кои се соочуваат со сериозна штета поради повеќемесечните израелски напади.

Последниот состанок на министрите за надворешни работи на Д-8 се одржа во Истанбул на 8 јуни на тема „Ситуацијата во Газа“, чиј домаќин беше Фидан.

На тој состанок беше усвоена заедничка декларација во која се повика на итен, траен и безусловен прекин на огнот и прекин на нападите на Израел врз палестинскиот народ.

Организацијата за економска соработка на Д-8, позната и како Развој-8, е организација за развојна соработка меѓу Бангладеш, Египет, Индонезија, Иран, Малезија, Нигерија, Пакистан и Туркије.