Турскиот министер Фидан и американскиот државен секретар Рубио разговараа за билатералните односи и регионалните прашања

ИСТАНБУЛ (АА) - Турскиот министер за надворешни работи, Хакан Фидан, и американскиот државен секретар Марко Рубио денес разговараа за билатералните односи и регионалните прашања, вклучувајќи ги Сирија, Газа и Украина, соопштија турски дипломатски извори, јавува Анадолу.

Во телефонскиот разговор, Фидан ја истакна важноста од укинување на санкциите врз Сирија за стабилноста и просперитетот на земјата.

Во телефонскиот разговор се разгледани и ослободувањето на израелско-американскиот државјанин Едан Александер од страна на Хамас и планираните мировни преговори меѓу Русија и Украина.

Мировните преговори се закажани да се одржат во Истанбул, Турција, а украинскиот претседател Владимир Зеленски посочи дека го прифаќа предлогот на Москва за продолжување на преговорите.

Според изворите, разгледани се и деталите за претстојната посета на Рубио на Турција по повод неформалниот состанок на министрите за надворешни работи на НАТО што ќе се одржи во Анталија на 14 и 15 мај.