ИСТАНБУЛ (АА) - Турскиот претседател Реџеп Таип Ердоган денес ги поздрави бродовите на Турската морнарица што минуваа низ Босфорот во Истанбул, јавува Анадолу.
Турскиот воен брод од домашно производство, воедно и најголемиот воен брод, ТЏГ Анадолу, ТЏГ Саварона, кој е наследство на основачот на Република Турција, Мустафа Кемал Ататурк, како и ТЏГ Оручреис, ТЏГ Истанбул, ТЏГ Хејбелиада, ТЏГ Калкан, ТЏГ Аланија, ТЏГ Санџактар и подморницата ТЏГ Хизирреис минаа низ истанбулскиот теснец како дел од парадата „Сина татковина“ на ТЕХНОФЕСТ.
Парадата, која започна кај мостот „Јавуз Султан Селим“ во Истанбул, и беше следена со возбуденост од граѓаните, помина низ центарот на Саријер, Тарабја, Емирган, Канлиџа, Румели Хисари, линијата Кандили-Бебек, Ортакој и „Мостот на загинатите херои од 15 јули“.
Многу граѓани ја снимија парадата со своите мобилни телефони и ги споделија фотографиите на NSosyal користејќи го хаштагот #TeknofestMaviVatan (Текнофест „Сина татковина“).
Ердоган ја следеше парадата од работната канцеларија во „Долмабахче“.
Воените екипажи на бродовите го поздравија турскиот претседател со поздрав од 21 топ и традиционален специјален поморски поздрав.
Набљудувајќи ги бродовите од отворениот простор пред својата канцеларија, Ердоган ги поздрави екипажот и граѓаните кои беа на бродовите по повод церемонијата.
Претседателот Ердоган беше придружуван од првата дама на Турција, Емине Ердоган, за време на поздравот.
Емине Ердоган беше облечена во бело, што е и бојата на Командата на поморските сили.
Парадата заврши откако турскиот претседател ги поздрави бродовите.
