Турските сили неутрализираа 17 терористи на ПКК во југоисточниот дел на земјата

АНКАРА (АА) – Турските безбедносни сили неутрализираа 17 терористи на терористичката организација ПКК во југоисточната област Шанлиурфа во земјата, соопшти Министерството за национална одбрана на Туркије, пренесува Агенција Анадолија (АА).

Турските сили одговорија на ракетниот фрлач на терористите кои го убија турскиот војник Исмет Ајбек во округот Суруч во областа Шанлиурфа во неделата, се вели во соопштението на Министерството.

Освен тоа, турските војници погодија и речиси 80 цели на терористичката организација во регионот, се додава во соопштението.

Во својата над 35-годишна терористичка кампања против Туркије, ПКК, која се наоѓа на листата на терористички организации на Туркије, САД и ЕУ, е одговорна за смртта на над 40.000 луѓе, вклучувајќи жени, деца и доенчиња. ЈПГ е сириски огранок на ПКК.