Турските сили неутрализираа четворица терористи на ПКК/ЈПГ во Северен Ирак

ИСТАНБУЛ (АА) - Турските безбедносни сили неутрализираа четворица терористи на ПКК/ЈПГ во Северен Ирак, соопшти денес Министерството за национална одбрана на земјата, јавува Анадолу.

„Четворица терористи на ПКК/ЈПГ, откриени во зоната на операцијата 'Канџа-катанец' во Северен Ирак, се неутрализирани“, соопшти Министерството на социјалната мрежа Х.

Министерството додаде дека антитерористичките операции на турските вооружени сили непречено продолжуваат да го искоренуваат тероризмот од неговиот извор.

ПКК е сепаратистичка терористичка организација што се наоѓа на листата на терористички организации во Туркије, Европската Унија и САД. Во текот на повеќедецениската терористичка кампања против Туркије, терористите на ПКК убија најмалку 40.000 луѓе.