Турските сили уапсија две лица барани со црвена потерница на Интерпол

ИСТАНБУЛ (АА) – Турските безбедносни сили уапсија двајца осомничени за кои Интерпол има издадено црвени потерници за измама, соопшти денес турскиот министер за внатрешни работи Али Јерликаја, пренесува Анадолу.

„Талгат Баисаов, баран со црвена потерница на Интерпол за активности на нелегални организации и шверц, и Максат Рахишов, баран со црвена потерница на Интерпол за измама, се фатени во операцијата МАХЗЕН-23 спроведена во Истанбул“, истакна Али Јерликаја на платформата Х.

Двајцата осомничени се предадени во Центарот за репатријација и ќе бидат вратени во нивните земји.

„Нема да дозволиме меѓународните организации за организиран криминал и шверцерите на дрога што го нарушуваат мирот на нашиот народ да дишат слободно, без оглед на налогот со кој се бараат. Секој од нив ќе ѝ го предадеме на правдата“, додаде Јерликаја.