Турција: Во голема полициска операција против ДЕАШ од слобода се лишени 24 осомничени

ШАНЛИУРФА

Турската полиција денес од слобода лиши 24 лица осомничени за поврзаност со терористичката организација ДЕАШ, јавува Агенција Анадолија (АА).

Припадниците на Одделот за борба против тероризам и Одделот за разузнавачки работи на Полициската управа во Шанлиурфа спроведуваат операција на подрачјето на три турски области и приведуваат лица кои се товарат за врбување на нови членови и собираат логистички средства за терористичката организација ДЕАШ.

Неименуван безбедносен извор соопшти дека 24 лица се приведени во Шанлиурфа, Бурса и Дијарбакир, а дека се товарат и за обиди за организирање на нелегални влегувања и транзит на терористите на ДЕАШ преку Турција.

Полицијата изврши и претреси во куќите на уапсените и заплени поголема количина на оружје, муниција и друг доказен материјал.

Турција меѓу првите земји во светот ја прогласи ДЕАШ за терористичката организација и води повеќегодишна одлучна борба против повеќе терористички организации, вклучувајќи ги ДЕАШ, ПКК, ФЕТО и ДХКП-Џ.