Турција: Земјотрес со јачина од 5 степени ја погоди Малатија

АНКАРА

Земјотрес со јачина од 5 степени ја погоди турската област Малатија, пренесува Агенција Анадолија (АА).

Турската Агенција за управување со катастрофи и вонредни состојби (АФАД) оваа информација ја потврди преку соопштение објавено на својата интернет страница.

Се вели дека епицентарот на земјотресот бил во подрачјето на Путурге во Малатија, и се случил во 21:06 часот по локално време.

Според соопштеното, земјотресот со јачина од 5 степени се случил на длабочина од 7 километри.

Во соопштението се нагласува дека земјотресот бил почувствуван и во околните области.