Турција: Крајбрежната стража во неколку акции спаси 526 мигранти кои беа истуркани од грчката страна

АНКАРА

Тимовите на Крајбрежната стража на Република Турција во текот на 52 интервенции од 13 до 25 декември фатија 991 мигрант, 10 криумчари на луѓе и спасија 526 мигранти кои беа истуркани во турските води од грчките сили, јавува Агенција Анадолија (АА).

Во соопштението од Канцеларијата на Крајбрежната стража на Република Турција наведено е дека тимовите посветено работат дење и ноќе за да спречат премини на границите што не се во согласност со меѓународното право и закон.

Кажано е дека во тие рамки, во текот на 52 интервенции од 13 до 25 декември се фатени 991 мигрант и 10 криумчари, а спасени се 526 мигранти кои во турските води биле истуркани од грчките сили.

Наведено е дека некои мигранти, поради политиката на грчките сили, стратегијата на истуркување и притисок, ја смениле рутата кон Италија. Истакнато е дека така дополнително им се загрозени животите, што ја зголемува загриженоста поради можни нови страдања.

Порачано е дека Крајбрежната стража ќе продолжи да ги спречува чекорите што не се во согласност со законот и меѓународното право со почитување на човековите права и принципи на пружање помош на сите на кои им е потребна.