Чавушоглу: „Групацијата на туркиските земји ќе го промени своето име во Организација на туркиски земји“

АНКАРА (АА) - Министерот за надворешни работи на турција, Мевлут Чавушоглу, истакна дека покрај некои други промени за зајакнување на институцијата, групацијата на туркиските земји ќе го промени своето име во Организација на туркиски земји, јавува Агенција Анадолија (АА).

Во своето обраќање до останатите министри за надворешни работи на Туркискиот совет пред Самитот на лидерите кој треба да се одржи утре, Чавушоглу го поздрави Туркменистан, кој учествуваше на Советот како земја набљудувач.

На Самитот, Турција ќе го преземе претседателството на групата од Азербејџан.

Чавушоглу изјави дека Советот ќе ги прифати ревидираните прописи како што е предложено од „советот на мудри луѓе“, Советодавен одбор на високи државници.

„Во нашата заедничка култура, зборовите на нашите повозрасни се прифатени како водилка во време на неволја. Нашите мудреци со своите искуства ќе го осветлат нашиот пат“, додаде тој.

Чавушоглу нагласи дека во рамките на претстојните промени, статусот на земјите набљудувачи и партнерски земји ќе биде јасно дефиниран и Советот ќе добие нова привлечност, додека „нивниот единствен идентитет“ е зачуван.

„Шефовите на државите на Туркискиот совет утре ќе ја прифатат визијата на групата за 2040 година“, рече Чавушоглу, додавајќи дека тоа ќе ја покаже перспективата на организацијата.

„Како што нашите корени се заеднички, нашата визија за иднината, исто така мора да биде заедничка“, повика тој.

„Со цел да ги исполниме целите во документот на визија, ние ќе го прифатиме документот на имплементација за време на нашето претседателство. Предлагам овој документ, кој е петгодишна Мапа на патот, да биде поднесен за одобрување од нашиот Совет во првиот квартал на 2022 година“, додаде тој.

- Соработка за зајакнување на туркиските економии -

Високиот турски дипломат исто така изјави дека економиите на земјите членки заслужуваат понатамошно подобрување, додавајќи: „Со цел да ги поврземе нашите економии, треба да ја подобриме нашата соработка во полето на логистика и транспорт.“

„Коридорот Зангезур ќе ја подобри логистиката меѓу земјите членки“, изјави Чавушоглу, додавајќи дека тоа ќе ја подобри благосостојбата на целиот туркиски свет.

Коридорот ќе биде изграден во пресрет на минатогодишниот конфликт во Нагорно Карабах, во кој Азербејџан освои околу 300 населби од ерменската окупација и ќе го поврзе западниот дел на Азербејџан со автономната енклава Нахчиван.

Чавушоглу уште еднаш му честиташе на Азербејџан за првата годишнина од неговата победа во регионот на Нагорно Карабах, кој претходно беше под ерменска окупација 28 години.

Туркискиот совет беше основан во 2009 година со цел да промовира соработка меѓу земјите каде што се зборува турскиот јазик. Се состои од Азербејџан, Казахстан, Киргистан, Турција и Узбекистан, како земји членки и Унгарија како земја набљудувач.