Чавушоглу: Турција ќе продолжи да стои на страната на браќата Палестинци во нивната борба за независна држава

РАМАЛА (АА) - Министерот за надворешни работи на Турција, Мевлут Чавушоглу, истакна дека сите сегменти во Турција покажуваат чувствителност за палестинското прашање, и дека Турција ќе продолжи да стои покрај Палестинците, јавува Агенција Анадолија (АА).

Чавушоглу одржа заедничка прес-конференција со палестинскиот министер за надворешни работи, Ријад ел Малики, по билатералната и средбата меѓу делегациите во Рамала.

Наведувајќи дека сите го знаат значењето што Турција ѝ го придава на палестинската кауза и дека рамо до рамо со Малики работат во оваа насока, Чавушоглу додаде: „Ова е чувствителност што ја покажаа сите сегменти во Турција и кога последен пат во Парламентот информирав за ова, видов дека тоа е натпартиско прашање. Истата поддршка ја добивме од сите политички партии. Ќе продолжиме да стоиме на страната на нашите браќа Палестинци во нивната борба за независна и суверена држава.“

Потсетувајќи дека оваа година се навршуваат 74 години од Денот на Накба (Големата катастрофа), Чавушоглу рече дека жива треба да се одржува визијата за дводржавно решение.

Наведувајќи дека едностраните чекори, нелегалното населување и принудните евакуации го уништиле создавањето на мирот, Чавушоглу рече: „Врз основа на прифатените меѓународни параметри, основањето палестинска држава на границите од 1967 година со Источен Кудс (Источен Ерусалим) како главен град е од суштинско значење. Затоа, никој не треба да се оддалечи од визијата за дводржавното решение. Палестинскиот проблем единствено може да се реши на тој начин. Како Турција, ние ќе продолжиме да го правиме својот дел во оваа насока.“

- „Продолжуваме да се координираме со палестинските власти во нормализацијата на односите со Израел“ -

Турскиот министер рече дека веста за судирите во Месџиди ал-Акса ги повредиле срцата на сите муслимани: „Во оваа прилика уште еднаш посакуваме божја милост за сите наши браќа и сестри Палестинци кои ги загубија своите животи.“

Чавушоглу, наведувајќи дека утре ќе го посети Израел и ќе оствари различни средби, додаде:

„Со мојот израелски колега планираме да разговараме за палестинското прашање, се разбира, за нашите билатерални односи и регионални прашања. Продолжуваме да се координираме со палестинската администрација за време на процесот на нормализација на нашите односи со Израел. Нашата поддршка за палестинската кауза е целосно независна за текот на нашите односи со Израел. Но, би сакал да кажам дека нашата палестинска политика не е можно да се промени. Но, исто така, веруваме дека овој дијалог ќе даде важен придонес, особено во намалувањето на тензиите, како во Рамазан, и ќе придонесе повеќе да се слушне палестинската кауза или гласот на Палестинците.“