Shkupi mbulohet nga dëbora

Shkupi është zbukuruar nga ngjyra e bardhë e borës pas reshjeve që përfshinë kryeqytetin e Maqedonisë së Veriut gjatë natës dhe vendin në përgjithësi, raporton Anadolu.

Ndërtesat dhe rrugët e qytetit u mbuluan në të bardhë, ndërsa shumë qytetarë dolën për të shijuar borën.

Autoritetet e Maqedonisë së Veriut kanë sjellë ndalesa qarkullimi për automjete të rënda në disa akse rrugore për shkak të sasisë së borës, duke bërë thirrje për kujdes të shtuar gjatë qarkullimit.

Sipas parashikimeve, moti me borë të kohëpaskohshme pritet të vazhdojë edhe gjatë dy ditëve të ardhshme.