Arabi Saudite, 49 të vdekur nga COVID-19 në 24 orët e fundit

Numri i të vdekurve nga koronavirusi i ri (COVID-19) në Arabinë Saudite ka arritur në 1.698, transmeton Anadolu Agency (AA).

Në 24 orët e fundit, vendi ka regjistruar 49 viktima nga virusi dhe 3.402 raste të reja, njoftoi Ministria saudite e Shëndetësisë.

Numri i përgjithshëm i të infektuarve në Arabinë Saudite ka shkuar në 194.225 me rastet e reja të konfirmuara.

Ndërkaq, deri më tani 132.760 persona janë shëruar nga virusi, prej të cilëve 1.994 në 24 orët e kaluara.