BE vendos sanksione të reja ndaj Bjellorusisë

Bashkimi Evropian (BE) vendosi sanksione të reja kundër Bjellorusisë me arsyetimin se ajo ushtron presion ndaj shoqërisë civile dhe opozitës, transmeton Anadolu Agency (AA).

Në deklaratën e Këshillit Evropian thuhet se masat kufizuese do të zbatohen ndaj 12 individëve dhe 8 organizatave për shkak të “shtypjes dhe shkeljes së të drejtave të njeriut brenda vendit”.

Midis personave të përfshirë në listën e sanksioneve janë zyrtarë nga qeveria bjelloruse, biznesmenë dhe familjet e tyre, anëtarë të gjyqësorit dhe gazetarë. Në listë është edhe biznesmeni serb, Bogoljub Kariç për marrëdhëniet e tij me Aleksandër Lukashenkon dhe familjen e tij.

Ndër institucionet që do të sanksionohen janë kompania prodhuese e potasës Belaruskali, krahu i eksportit të kësaj kompanie Belarusian Potash Co. televizioni dhe radio shtetërore Belteleradio si dhe kompanitë e prodhimit të produkteve të duhanit dhe automjeteve të transportit publik.

Me sanksionet e mëparshme të BE-së ndaj Bjellorusisë, numri i personave që morën masa kufizuese u rrit në 195 ndërsa numri i organizatave në 35. Sanksionet përfshijnë ngrirjen e aseteve dhe ndalimin e udhëtimit. Përveç kësaj, qytetarët dhe kompanitë e BE-së u ndalohet të financojnë listën.

BE-ja ka marrë sanksione të ndryshme kundër Bjellorusisë me arsyetimin se nuk e njohu rezultatin e zgjedhjeve të gushtit 2020 dhe se Lukashenko u shpall fitues, zgjedhjet ishin të falsifikuara dhe opozita u vu nën presion.