Hetimet për korrupsion, Netanyahu përsëri merret në pyetje

KUDS (AA) – Kryeministri i Izraelit, Benjamin Netanyahu, është marrë në pyetje nga policia izraelite për herë të shtatë që prej shpalljes së dyshimit të vitit të kaluar për shkak të akuzave për korrupsion, raporton Anadolu Agency (AA).

Në një deklaratë, policia izraelite tha se Netanyahu ishte marrë në pyetje për “disa orë” në rezidencën e tij në Kuds, si pjesë e një hetimi për korrupsion që është në vazhdim. Megjithatë, në deklaratë nuk jepet ndonjë hollësi shtesë lidhur me hetimin.

Që nga viti i kaluar, Netanyahu ka qenë subjekt i hetimeve penale në dy raste të ndara të korrupsionit, por ai vazhdimisht ka mohuar akuzat. Rasti i parë përfshin producentin e Hollivudit, Arnon Milchan, i cili thuhet se kërkoi të blinte artikuj luksoz për Netanyahun dhe gruan e tij. Rasti i dytë ka të bëjë me pohimet se Netanyahu bëri një marrëveshje për mbulim të favorshëm të medias me Arnon Mozes, botuesin e gazetës në gjuhën hebraike "Yedioth Ahronoth".

Gruaja e Netanyahu, Sara, gjithashtu është marrë në pyetje nga policia lidhur me akuzat e mëparshme të korrupsionit. Ajo është akuzuar për marrjen e dhuratave “luksoze” nga biznesmenët e pasur, si dhe për pagesa të ryshfetit për një mongol medial në këmbim të mbulimit të favorshëm. Ajo është marrë në pyetje edhe në kontekstin e një hetimi në vazhdim lidhur me pohimet se Netanyahu ka përdorur fonde shtetërore për shpenzime personale.