NASA hap stacion hapësinor për turistë

Agjencia Hapësinore Amerikane NASA do të hapë së shpejti një stacion hapësinor për turistë, transmeton Anadolu Agency (AA).

NASA bën të ditur se stacioni hapësinor do të jetë për "misionet private të astronautëve", për çka do të lejojë dy fluturime në vit, dhe secili mund të zgjat deri në 30 ditë.

Udhëtimi do të ketë një kosto prej rreth 50 milionë dollarësh ndërkohë që NASA në mënyrë shtesë do të përfitojë 35 mijë dollarë për një udhëtim dhe qëndrimin në orbitë, ushqim, ujë dhe gjithë sistemin mbështetës në stacion.

Misioni i parë privat pritet të realizohet në vitin 2020.