Shpëtohen 25 emigrantë të parregullt në ujërat e Tunizisë

Forcat Detare të Tunizisë kanë shpëtuar 25 emigrantë të parregullt dhe nxorën trupin e pajetë të një emigranti në ujërat në veriperëndim të ishullit italian Lampedusa, transmeton Anadolu Agency (AA).

Në një deklaratë nga Ministria tuniziane e Mbrojtjes, thuhet se në mesin e 25 emigrantëve të shpëtuar me origjinë afrikane ndodhen 6 gra dhe se nga deti është nxjerrë trupi i pajetë i një prej emigrantëve të parregullt.

Më tej njoftohet se anija që transportonte emigrantët e parregullt është përmbytur në det.

Operacionet e shpëtimit janë kryer në mënyrë të koordinuar mes qendrave të kërkimit dhe shpëtimit në Romë dhe më Maltë dhe me qendrën e kërkimit dhe shpëtimit të Forcave Detare të Tunizisë në ujërat në veriperëndim të ishullit Italian Lampedusa.

Sipas informacioneve të marra nga emigrantët e shpëtuar në deklaratë vihet në dukje se emigrantët janë nisur natën e së premtes nga brigjet Sidi Mansour në qytetin Sfax në jug të kryeqytetit Tunis.