Stuhi shiu në Slloveni, përmbyten shumë rrugë dhe objekte

Në kryeqytetin e Sllovenisë, Lubjanë, janë përmbytur rrugë dhe ndërtesa të shumta pas stuhisë së mbrëmshme, transmeton Anadolu Agency (AA).

Sipas mediave lokale, më shumë se 500 ndërtesa u përmbytën në kryeqytetin slloven, duke theksuar se 88 litra shi për një metër katror ranë në një kohë të shkurtër, gjë që ndodh një herë në 250 vjet.

Makina të shumta u shkatërruan gjithashtu, ndërsa shumë njerëz edhe u bllokuan për shkak të ujërave të larta në rrugë.

Shërbimet kujdestare morën më shumë se 2.700 thirrje nga qytetarët në periudhën nga ora 20:00 deri në mesnatë.

Sipas institucioneve kompetente, janë shkaktuar dëme të mëdha materiale.