Hamdi Yıldız
23 Gusht 2019•Përditësim: 23 Gusht 2019
Ushtarët izraelitë kanë plagosur një të ri palestinez në zonën kufitare të Rripit të Gazës, transmeton Anadolu Agency (AA).
Palestinezi është plagosur si pasojë e të shtënave me plumba të vërtetë nga ana e ushtrisë izraelite në zonën e gardhit kufitar në lindje të Rripit të bllokuar të Gazës, njoftoi në një deklaratë me shkrim Ministria palestineze e Shëndetësisë në Gaza.
I riu palestinez ka marrë plagë në pjesën e këllkut dhe është dërguar në spital për trajtim.
Ndërkaq, ushtria izraelite konfirmoi se ka hapur zjarr ndaj një palestinezi në zonën kufitare në Rripin e Gazës.
Në një deklaratë në twitter, ushtria pohoi se palestinezi ishte i armatosur dhe është afruar në zonën kufitare për të hedhur granatë dore në drejtim të ushtarëve izraelitë.
