OpenAI mbyll aplikacionin Sora që gjeneron video

Kompania e inteligjencës artificiale OpenAI po mbyll aplikacionin e saj të mediave sociale Sora, i cili fitoi popullaritet të shpejtë vjeshtën e kaluar si një platformë për ndarjen e videove të shkurtra të gjeneruara nga inteligjenca artificiale, transmeton Anadolu.

Në rrjetin social amerikan x, OpenAI tha se "po i thotë lamtumirë aplikacionit Sora" dhe së shpejti do të ofrojë më shumë detaje se si përdoruesit mund të ruajnë përmbajtjen që krijuan në platformë.

"Ajo që bëtë me Sora kishte rëndësi dhe ne e dimë se ky lajm është zhgënjyes", tha kompania.

OpenAI, zhvilluesi i ChatGPT-së, nisi aplikacionin Sora në muajin shtator, por aplikacioni ngriti shqetësime midis grupeve të avokimit, akademikëve dhe ekspertëve mbi rreziqet e lejimit të përdoruesve të gjenerojnë video të inteligjencës artificiale nga pothuajse çdo kërkesë teksti, duke çuar potencialisht në përhapjen e përmbajtjeve pa pëlqim dhe "deepfake"-eve shumë realiste.

Kritikët paralajmëruan se mjete të tilla mund të kontribuojnë në një rritje të materialeve të dëmshme, si dhe të shkaktonin lëvizje pa fund në internet, një fenomen i njohur si "doomscrolling".