Önder Beyter
23 Îlon 2019•Rojanekirin: 24 Îlon 2019
Hêzên Îsraîlê li Şerîeya Rojava ku dagirkirî ye 29 Filistînî binçav kirin.
Li gorî daxuyaniya nivîskî ya artêşa Îsraîlê, li çend herêmên Şerîeya Rojava bi şev li dijî malên Filistîniyan operasyon hatin kirin û bi îdiaya "tevlî bûyerên terorê bûne" 29 Filistînî hatin binçavkirin.
Di daxuyaniyê da herwiha hat diyarkirin ku ji bo jêpirsînê, Filistîniyên binçavkirî sewqî navenda binçavkirinê ya li herêmê kirin.
Li Şerîeya Rojava û Qudsa Rojhilat ku dagirkirî ne, hêzên Îsraîlê pirî caran bi ser malan da digirin û bi îdiayên curbecur Filistîniyan binçav dikin.
Li gorî çavkaniyên fermî yên Filistînê, di girtîgehên Îsraîlê da qedera 500 jê girtiyên îdarî, 220 jê zarok zêdetirî 5 hezarî Filistînî hene.
Îsraîl bi sepana ku jê ra dibêje "tewqûfkirina îdarî" va di çarçoveya îstixbaratê da ji mehekê heya 6 mehan dikare Filistîniyan tewqûf bike. Heger biryar were dayîn ku kesê girtî "ji bo ewlekariya Îsraîlê xeternak e" dadgerê esker dikare bêyî tawanbariyekê maweya tewqûfê heya 5 salan dirêj bike.
