Türkan Tosun
14 Gulan 2019•Rojanekirin: 15 Gulan 2019
Li Bexdaya paytextê Iraqê aşxaneya bi navê "Şorbexane"yê ji bo malbatên ji ber DEAŞa rêxistina terorê terka malên xwe kirine û di kampan da dijîn di meha remezanê da her roj fitarê dide.
Aşxaneya Şorbexaneyê 5 sal berê li herêma Azamiyeyê ji hêla komek ciwanên dildar va hatiye avakirin.
Ev der mehên din rojê sê danan xwarinê didin, di meha remezanê da jî sifreyên fitarê radixe û fitarê dide 500 kesî.
Ji bilî kesên li herêmê dijîn malbatên ji ber êrîşên DEAŞa rêxistina terorê yên 2014an terka malên xwe yên li Mûsil, Enbar û Salahaddînê kirine jî li vir xwarinê dixwin.
Aşxane her çiqas bi navê "Şorbexane" bê zanîn jî, li vir xwarinên bigoşt, xwarinên bisebze, dew, ava fêkiyan û tiştên din jî tên belavkirin.
- "Şorbexane ji bo alîkariya feqîran bi dildariyê hatiye avakirin"
Rêvebirê aşxaneyê Usame el-Azawî ji nûçegihanê AAyê ra wiha daxuyand: "Şorbexane ji bo alîkariya feqîrên li Azamiyeyê dijîn û yên ji ber terorê cih û warên xwe bûne li gor dildariyê hatiye avakirin."
Azawî got dema aşxane hatiye avakirin di cihekî biçûk da xizmet daye, lê di nav demê da bi piştgiriya xêrxwazan cihê xwe yê nû kiriye.
Azawî anî ziman li aşxaneyê xwarinên bigoşt, xwarinên bisebze, şorbe, birinc, nan, dew, ava fêkiyan wek menû tên belavkirin.
Ji bo nexweşên li erdê yên nikarin bên aşxaneyê jî Azawî got ew bi xwe xwarinê dibin mala wan.
