Li Minbicê wehşeta PYD/PKKyê hat protestokirin

MINBIC/ANKARA

Derkete holê ku PYD/PKKya rêxistina terorê li Minbica bajarê Sûriyeyê ya ku dagir kiriye 2 sivîl bi êşkenceyê kuştine û li ser vê protesto hatin kirin.

Gelê Minbicê duh cesedê Hannan El-Cerîweyê 25 salî û Ebbud el-Mînhanê 23 salî dîtibûn.

Li Kebîr Îmoya gundê 20 kîlometreyî li dûrî navenda navçeyê cesedê ciwanan hatibûn dîtin û serê yekî hatibû jêkirin.

Wêneyên ciwanan di medyaya civakî da hatin weşandin û malbatan ew teşxîs kirin, piştî vê di navbera malbatên ciwanan û PYD/PKKyê da pevçûna çekdarî derketibû.

Piştî nimêja înê bi sedan kesên ji Minbicê ji bo protesto kom bûn. Çalakvanan xwestin ku bira rêxistin demildest ji navçeyê vekişe û sûcdar bên teslîmkirin.

Paşê cesed ji morgê hildan û birin li gundê wan binax kirin.

Wekî mayîn çalakvanan bangî gelê navçeyê kir ku ji bo protestokirina îxlal û sûcên ku rêxistin dike roja yekşemê grevê bikin.

PYD/PKKyê bi piştgiriya Amerîkayê va di dawiya 2015an da Minbica li rojavayê Feratê zeft kiribû. Rayedarên Amerîkayê teehhud kiribûn ku piştî DEAŞ ji navçeyê were derxistin endamên rêxistinê ew ê ji navçeyê vekişin lêbelê rêxistin dagirkeriya xwe didomîne.