Li Qatarê nexweşxaneya ewil a Tirkiyeyê hat vekirin

DOHA

Li Dohaya paytextê Qatarê nexweşxaneya ewil a Tirkiyeyê bi destê Mevlut Çavuşogluyê Wezîrê Karên Derva û Nîhat Zeybekciyê Wezîrê Aboriyê hat vekirin.

Li gor nûçeya QNAya ajansa fermî ya Qatarê Çavuşoglu di vekirinê da diyar kir nexweşxane ji şirîkatiya Tirkiye-Qatarê model e û got li nexweşxaneyê bijîşkên pispor ên ji Tirkiyeyê dixebitin.

Mevlut Çavuşoglu destnîşan kir Tirkiye di warê tenduristiyê da pêş ketiye û got ku nexweşxane xizmetê dide hemû herêmê.

Volkan Uygunçarlarê midûrê nexweşxaneyê daxuyanî da nûçegihanê AAyê û wiha got: "Li nexweşxaneyê hemû pispor hene. Li nexweşxaneyê 85 nivîn, 5 odeyên emeliyetê, 5 klînîk û beşên nexweşînên jin û zarokan hene."