Li Soçiyê Civîna Garantoran a li ser Sûriyeyê

SOÇÎ

Sibê li Soçiya bajarê Rûsyayê li ser Sûriyeyê civîna garantoran a 10emîn wê were lidarxistin û heyetên Tirkiye, Rûsya û Îranê beriya civînê hevdîtinên teknîkî dikin. Rojeva hevdîtinan ji rewşa dawîn a li Herêma Kêmkirina Rageşiyê ya Îdlibê, vegera penaberan, berdana kesên girtî û xebatên komîteya makezagonî pêk tê.

Heyetên Tirkiye, Rûsya û Îranê beriya civîna garantoran a 10em li Soçiyê di Otela Radisson Blu Paradise Resortê da li ser mijarên teknîkî beşdarî hevdîtinên dualî û sêalî dibin.

Ji Neteweyên Yekbûyî û Urdunê heyet wek çavdêr beşdarî hevdîtinan dibin, Amerîkayê wek civîna Astanayê ya dawîn dîsa jî nûnerê xwe neşand.

Serokwezîrê Hikûmeta Berwext a Sûriyeyê yê berê Ahmet Tuma nûnerê heyeta mixalefeta eskerî ye, nûnerê rejimê jî Nûnerê Daîmî yê Neteweyên Yekbûyî Beşşar Ceferî ye.

Tê payîn ku heyeta Tirk di civînê da li ser biryardariya xwe ya parastina agirbesta herêmê bisekine.