"Mêrê min û dergûşê min di girtîgehê da hatin kuştin"

COX'S BAZAR

Dilfurcahan Rihîmullaha 25 salî ya ku piştî êrîşa artêşa Myanmar ya li Arakanê xwe sipart Bangladeşê destnîşan kir ku mêrê wê, dergûşê me yê 8 mehî bi destê leşkeran hatin kuştin û birayê wê yê ku ev bûyer dît jî dîn bûye.

Rihîmullaha ku dêya 3 zarokan e li herêma Kolatoliyê daxuyanî da nûçegihanê AAyê û diyar kir ku li Borgozibila gundê Monduya Arakanê bi çotkariyê debara xwe dikirin.

Rihîmullahê destnîşan kir ku hikûmeta Myanmarê bi çavê terorîstan li wan dinihêre û got ku 9 roj berê leşkeran bi firokeyê êrîşî gundê me kir.

Rihîmullahê diyar kir ku gundê wan hatiye bombekirin û wiha got: "Mêrê min û Mihemmed Yasîrê dergûşê min yê 8 mehî dema direviyan ketin destê leşkeran. Tevî Farîsa keça xwe ya 4 salî û Mihemmed Kayserê kurê xwe yê 2 salî, em reviyan."

Rihîmullahê diyar kir ku leşkeran apê wê kuştin û 25 kesên ku nav wan da birayê wê û mêrê wê jî hene derdest kirin û wiha got: "Birayê min di girtîgehê da kuştina mêrê min û dergûşê min dît. Paşê birayê min aqilê xwe winda kir û ji ber vê jî serbest hat berdan."

Rihîmullahê destnîşan kir ku piştî rêwîtiyeke zor û xeternak bi kesên ku di revê da serkeftî bûn ra xwe sipartin Bangladeşê, arakaniyan alîkarî dan wan, ji peravê derbas bûn xwe sipartin Bangladeşê û zarokên xwe xilas kir.

Rihîmullahê got ku zarokên wê nexweş in û li benda alîkariyê ye.