Nimayîşa cil û bergan li Bexdayê "Baghdad Fashion Show"

BEXDA

Li paytextê Iraqê Bexdayê nimayîşa cil û bergan bi navê "Baghdad Fashion Show" birêve çû.

Nimayîşa ku li Otêla Babilyon hat lidarxistin cil û bergên modelîstê navdar ê iraqî Sînan Kamil tê de hatin rapêşkirin.

Sînan Kamil ji bo peyamnêrê AAyê der barê nimayîşê de agahî da û diyar kir ku 3emîn car e ev organîzasyon tê amadekirin.

Modelîstê iraqî anî ziman ku ew dixwazin Bexda bi huner û aştiyê were bibîranîn ne ku bi şer û kuştinê.

Kamil wiha axivî:

"Iraq xwedî çandeke tarîxî ye. Em dixwazin hunera modayê careke din zindî bikin. Em dibînin ku Bexda ji şer westiyaye. Bêriya hunerê kiriye."

Di nimayîşê de cil û bergên aîdî Iraq û Rojhilata Navîn hatin pêşkêşkirin.

Di nimayîşê de dîplomat û balyozên welatan jî cih girtin.