Operasyona Telaferê ya li Iraqê

BEXDA

Hat ragihandin di operasyonên rizgarkirina Telafer da 115 esker hatin kuştin û 679 kes jî birîndar bûn.

Fermandarê Operasyonên Telaferê General Ebdulemir Yarullah li paytext Bexdayê civîna çapemeniyê li dar xist û got:

"Di operasyonên 20ê Tebaxê dest pê kirin da ji hêzên ewlehiyê 115 kes hatin kuştin û 697 kes jî birîndar bûn"

Yarullah diyar kir ku ji DEAŞa rêxistina terorî nêzî 2 hezar milîtan hatin berterefkirin û bal kişand ser hejmara mirî û birîndarên operasyona Telefarê û ragihand ev yek bi xwe nîşaneya pêkhatina şer û pevçûnên dijwar e.

Alîkarê Serokomar Nûrî El Malikî ji bo rizgarkirina Telaferê gotibû: "Herkes dizane ku Telafer ne bi şer û pevçûnê ewder bi lihevkirinê hat riazgarkirin."

Meqamên fermî yên dewletê û qismekî gel li dijî gotinên Malikî sekinîn û ew îdia bû sedema niqaşê.

Yarullah jî ev îdia derewand û wiha pê da çû: "Tu terorîstek nehat û teslîmî me nebû û tu peyman jî nehatine çêkirin."