Stamoûyê pirsên nûçegihanê AAyê bersivand û got ku Partiya Keskan rasterast dîtinên min temsîl dike û ji bo vê yekê ez di vê partiyê de bûm namzed. Stamoûyê got ku ew jineke çalak e û tenê bi pirsgirêkên herêmî re mijûj nabe, dîmenên bi hemû aliyan dibîne û dinirxîne.
Stamoûyê got ku eslê wê ji xaçparêzên ortodoks e, bi salan li ser hemû olan lêkolîn kiriye û di dawiya lêkolînan de bersiva hemû pirsên xwe di îslamê de dîtiye.
Stamoûyê destnîşan kir ku di 30 saliya xwe de bûye misilman, malbata wê li hemberî vê guherînê mat bûye û wiha got: "Ji ber ku min di encama lêkolînan de biryar dabû û biryara min saxlem bû tu kes li hemberî min tevnegeriya. Tenê sedema guherîna min dipirsin, ez bi tu pirsgirêkê re rûbirû namînim."
Stamoûyê wiha dewam kir:
"Ez dixwazim ku mafên misilmanên li Yewnanistanê dijîn bi qasî mafên welatiyên yewnan bin, ya ku ez kişandim nav siyasetê ev raman bû. Ez ê him ji bo misilman wezîfeya xwe bi cih bînin him jî karibin mafên xwe biparêzin hewl bidim. Daxwaza min ji welatiyên misilman ên Yewnanistanê ew e ku di hilbijartinan de rayên xwe bavêjin, ji mafê xwe yê hilbijartinê bê par nemînin û nekevin nav fikarên wekî dengê me nayê bihîstîn."
- "Divê em cudakariyê nekin, nebêjin ev sergirtî ye û ev jî servekirî ye"
Stamoûyê got: "Heke ez bêm hilbijartin, ez ê ji bo di navbera misilmanên li Yewnanistanê û yewnaniyan de wekhevî pêk bê bixebitim. Ji bo rê li ber cudakariya li ser misilmanan bigrim ez ê tê bikoşim. Ez ê ji bo misilmanên li vir dijîn xwe wek kêmnetewe nehesibînin hewl bidim. Divê em cudakariyê nekin, nebêjin ev sergirtî ye û ev jî servekirî ye."
