Zanîngeha ku Erdogan sozê wê dabû li Sûdanê vebû

ÎSTANBUL

Zanîngeha ku Serokomar Recep Tayyîp Erdogan sozê wê dabû ku li Sûdanê were vekirin, bi destê Zanîngeha Zanistên Tenduristiyê bi navê Dibistana Bilind a Xizmetên Tenduristiyê ya Sûdan Nyalayê hat vekirin.

Li gor daxuyaniya ku ji Zanîngeha Zanistên Tenduristiyê hat dayîn, hat bibîrxistin ku Serokomar Erdogan par li Zanîngeha Hartumê ya Sûdanê axivî bû û soz dabû ku Zanîngeha Zanistên Tenduristiyê li Sûdanê zanîngehê veke.

Li gor daxuyaniyê Serokmarê Sûdanê Omer el-Beşîr Zanîngeha Zanistên Tenduristiyê Dibistana Bilind a Xizmetên Tenduristiyê ya Sûdan Nyalayê bi merasimê va vekir.

Beşîr di vekirinê da axivî û got ku dibistan wê di pêdiviya perwerdeya tenduristiyê ya Sûdanê da roleke girîng hilde ser xwe û spasiya Serokomar Erdogan, gel û hikûmeta Tirk kir.

Midûrê Navenda Lêkolîn û Sepanê ya Xebatên Tenduristiyê ya Afrîkayê ya Zanîngeha Zanistên Tenduristiyê Prof. Dr. Hasan Huseyîn Eker jî got ku mebesta dibistana bilind perwerdekirina personelên tenduristiyê yên çêtir e.

Midûrê Dibistana Bilind a Xizmetên Tenduristiyê ya Sûdan Nyalayê û Wezîfedarê Hîndekariyê Mesut Îkîz jî got ku dibistanê ji sala perwerde û hîndekariyê ya 2018-2019an pê va dest bi dersan kir û wiha dewam kir:

"Di Beşa Teknîkên Tibî û Xizmetan da anestezî û alîkariya acil hene. 48 xwendekarên anesteziyê, 49 xwendekarên beşa alikariya acil hene."