Li Batmanê dest bi berhevkirina çîlekên Sasonê kirin

Li Sasona navçeya Batmanê dest bi berhevkirina çîlêkê kirin.

Waliyê Batmanê Ekrem Canalp di mihrîcana berhevkirinê ya ku li Taxa Dumlupinarê ya li ser navçeyê hat lidarxistin da bi hilberîneran ra li baxçeyê çîlek berhev kirin.

Canalp di axaftina xwe ya wir da got ku çîleka Sasonê bûye marqe.

Canalp diyar kir ku çîroka çîlekê Sasonê bi qasî 20 sal berê bi 4 malbatan dest pê kir û got ku bi piştgiriyên ku ji hêla Îdareya Taybet a Bajêr, şaredarî, qaymeqamtî û Serokatiya Îdareya Pêşketinê ya Herêma GAPê va hatin dayîn va niha 400 malbat debara xwe bi çîlekê dikin.

Canalp got, "Em çîlekên Sasonê ne tenê li herêmê, li wilayetên din ên Tirkiyeyê ra jî dişînin û difroşin."

Canalp destnîşan kir, hedefa wan ew e ku kalîteya pakêtkirina çîlekên Sasonê zêde bikin û berê xwe bidin bazarên dinyayê.