Têkiliya veşartî ya PKK û PYDyê

ANKARA

Kadroya sereke ya PYDya milê rêxistina terorê ya Sûriyeyê ya PKKyê ji milîtanên PKKyê yên ku ji mijdara 2011an vir va ji Qendîlê hatin, pêk tê. Gelek kesên ku berî niha rêvebiriya PKKyê dikirin niha li bakurê Sûriyeyê kar û barên PYDyê birêva dibin.

Ser rêvebiriya PKKyê, rêxistina herî mezin a ku li çar aliyê 'qaşo Kurdîstanê' belav bûye wek "KCK"yê bi nav dike. Li gor vê binavkirinê PKK milê KCKyê yê li Tirkiyê, PYD milê KCKyê yê li Sûriyeyê ye. Herwiha milê rêxistinê yê Iraqê wek PÇDKyê û milê rêxistinê yê Îranê jî wek PJAKê bi nav dike.

PYD li ser telîmata serokê rêxistina terorê PKKyê Abdullah Ocalan di sala 2002yan da hat damezrandin. Herçiqas têkiliya di navbera rêxistinan da bê veşartin jî PYD bi PKKyê va girêdayî ye.

PYDyê di navbera 2003 û 2015an da kongre li dar xistin û li gor biryarên kongreyê vesaz bû. Ev kongre di kampên ku rêvebiriya wan PKK dike da hatin kirin. Ji mijdara 2011an vir da di serî da Qendîl ji kampên PKKyê yên li Iraqê mensûbên PKKyê yên bi tecrube dişînin Sûriyê. Bi van kadroyan YPGya milê biçek yê PYDyê hat avakirin.

- Alîkariyê dide terora li Tirkiyê jî

Hêzên ewlehiyê tespît kir ku PYD ji kewçêra 2015an vir da alîkariya çek û muhîmatê dide PKKyê.

PYD di ser xeta navbera Qamişlo-Nisêbîn, Kobanî-Suruç û Efrîn-Amanosan da alîkariya cebilxanê dide PKKyê. Di nav muhîmatên ku dişînin da çekên dijetank, roket û çekên giran digel guleyên û dijebalafiran hene.

Li Enqerê di 17ê sibat û 13ê adarê da du êrîşên terorî pêk hatin û di her du bûyeran da jî navê YPGya milê biçek ê PYDyê derbas bû. Wezareta Karên Navxweyî do eşkere kir ku êrîşkarê ku êrîşa 13ê adarê li dar xist di sala 2013an da tevlî PKKyê bû, paşê derbasê Sûriyeyê bû û di nav YPGyê da perwerde bû.

- Serkêşê rêxistinê "Bahoz Erdal" e ku ji Qendîlê hatiye

Li gor agahiyên çavkaniyên ewlehiyê li ser PYDyê gotina Fehman Huseyînê bi nasnavê "Bahoz Erdal" ku ji Qendîlê hatiye derbas dibe. Her çiqas wekî ku Salih Mislimê bi nasnavê "Ebû Welat" PYDyê îdare dike xuya bike jî di rastiyê da serkêşê rêxistinê "Bahoz Erdal" e ku ji Qendîlê hatiye û rêxistinê îdare dike.

Huseyîn ji nîvê sala 2014an vir va ji Qendîlê hatiye Sûriyeyê û rêxistinê li gor stratejî û polîtîkayên Qendîlê îdare dike û li ser kadroyên PYDyê disepîne.

Huseyînê ku di navbera salên 2003-2009an da berpirsiyarê giştî yê HPGya şaxa PKKyê bû, di navbera salên 2001-2013an da berpirsiyarê PKKyê yê Tirkiyeyê bû. Huseyîn sala par ji Qendîlê derbasî Sûriyeyê bû.

- Endamê lijneya rêvebiriya PKK/KCKyê bû fermandarê PYDyê.

Ferhat Ebdî Şahinê bi nasnavê "Şahin Cilo Kobanê-Mezlûm" ku endamê lijneya rêvebiriya PKK/KCKyê bû, wek berpirsiyarê kar û barên PYDyê bû fermandarê PYGya şaxa çekdar a PYDyê.

Şahinê ku di sala 1990î da tevlî PKKyê bû, di salên 1997-2003yan li Ewropayê û di 2003-2004an da li kampa Mexmûra li bakurê Iraqê ma. Şahin di 2005an da wek endamê lijneya rêvebiriya bilind a PKKyê wezîfe kir û di 2012an da derbasî Sûriyeyê bû. Şahin dema ku McGurkê Nûnerê Taybet ê Têkoşîna Dijî DAEŞê yê Barack Obamayê Serokê DYAyê di 31ê rêbendana 2016an da çû serdana Kobanêyê li wir bû.

Nûreddîn Mihemedê endamê biryarê yê rêvebiriya bilind ê Sûriyeyê yê PKK/KCKyê di sala 1990an da tevlî rêxistinê bû. Di nîsana 2009an da di ciyê Fehman Huseyîn da bû berpirsiyarê HPGyê. Mihemed ji sala 2013an vir va di rêvebiriya bilind a Sûriyeyê ya rêxistina da ji mijarên siyasî berpirsiyar e û di heman demê da ji kantonan berpirsiyar e.

Asya Evdila endama rêvebiriya biryarê ya bilind a Sûriyeyê ya PKK/KCKyê ye û bi Salih Mislim ra hevserokatiya PYDyê dike. Evdila qederê 25 sal e di nav rêxistinê da dixebite û beriya Sûriyeyê li Qendîl û Gareyê bû.

Evdila ji hêla Serokomarê Fransayê Farnçoîs Hollande va tevî fermandara Yekîneyên Parastinê ya Jinan (YPJ) ya PYDyê Nesrîn Evdila li Qesra Elyseeyê hatibû pêşwazîkirin.

- Alîkarê Serokê PYDyê Welîd Xelîlê bi nasnavê "Aldar Xelîl"

Xelîl di tîrmeha 2013yan da di Kongreya 9emîn a PKK/KCKyê da wek endamê lijneyê, di îlona 2013yan da jî di Kongreya 11emîn da ji meclisa rêxistinê hat hilbijartin. Xelîl hê jî alîkarê serok e.

Evdila Şenê bi nasnavê "Hemze Botan" û Îskan Akyuzê bi nasnavê "Heqî Gabar" ku merivên girîng ên Xelîl û PKK/KCKyê ne û wêneyên wan di çapemeniyê da derketibûn.

- "Hemze Botan" Abdullah şen

Şenê ku xebatên fînansê yê PKKyê rêva dibe di adara 2014an da di dadgeha bilind a Dusseldorfa bajaroka Almanyayê da bi hinceta endamtiya rêxistina terorê ya biyanî va 6 sal ceza xwar. Di daxuyaniya dadgehê da hat diyarkirin ku Şen di navbera salên 2003 û 2004an da berpirsiyarê herêma navîn ê Almanyayê bûye û di 19ê gulana 2005an da çûye Tehranê paşê jî hetanî sala 2007an da di qampên rêxistinê ên li bakurê Iraqê maye.

Hat destnîşankirin ku Şen di hezîrana 2007an da li Belçîkayê hat binçavkirin, hetanî 4ê adara 2010î jî buroya karên malî yên "Civaka Demokratîk a Kurd" a li bajarê Antwerpenê bi rêva bir.

Hat ragihandin ku heqê bersûc heye ku ji bo vê biryarê îtirazî Dadgeha Eyaletê ya Bilind a Dusseldorfê bike. Şen nika li bakurê Iraqê dijî.

- "Hakki Gabar" Îskan Akyuz

Berpirsiyarê Sêrt, Mêrdîn û Hekariya ku PKK wek herêma "Botan"ê bi nav dike ye.

- Ji perwerdeya Ocalan derbas bû

Cemîl Amedê ku navê "Fuat" li xwe kiriye di sala 1992yan da tevlî PKKyê bû û endamê ezaya biryarê yê daîmî yê rêveberiya bilind a Sûriyeyê yê PKK/KCKyê ye. Piştî çalakiyên li çiyayê Amanosa Hatayê û Lazqiyeyê demeke dirêj li Sûriyeyê cem Ocalanê serokê rêxistinê ma. Fuat ji sala 2013an vir da endamê lijneya rêveberiya PKK/KCKyê ye û di baregeha PKK/KCKyê yê Sûriyeyê da berpirsiyarê çalakiyên siyasî ye.

- Berpirsiyara kadroyên jinên çekdar

Henîfe Huseyna ku navê Xalideyê li xwe kiriye endama ezaya daîmî ya rêveberiya bilind a Sûriyeyê ya PKK/KCKyê ye. Ji sala 2012an vir da endama kordinasyona YJA-Stara şaxa jinan a PYDyê ye. Di sala 2013an da bû endama komîteya navend a PKKyê û lijneya rêveberiya PKK/KCKyê. Di sala 2013an da Henîfe Huseyn di baregeha KCKyê ya Sûriyeyê da wek berpirsiyara kadroyên jin ên YPGyê hat tayînkirin. Ji gulana 2015an da vir da wek endama ezaya biryarê ya daîmî ya berpirsiyara çalakiyên siyasî yên jinan didomîne.

Rêxistin di raya gişkî ya Ewropayê da hebûna milîtanên jin wek "nûjen, sekuler û dijî radkalîzmê" nîşan dide ku rind xanê bike.

- Berpirsiyarê Tilebyadê ji "barega bingeh" derket

Milîtanê ku naxe xistiye Ferhat Dêrik rêveberê komîteya "Rojavayê" yê rêveberiya bilind a Sûriyeyê ya PKK/KCKyê ye. Dêrik di salên 2000î da li Helebê bû, di 2004an da li droberê Helebê wek berpirsiyar xebitî. Dêrik demeke nêzîk li Qendîl û Garayê bû, nika berpirsiyarê Tilebyadaê ye.

- Ji Hekarîyê çû Sûriyeyê

Çiya Kobaniyê milîtan, rêveberê komîteya "Rojavayê" yê rêveberiya bilind a Sûriyeyê ya PKK/KCKyê ye, di sala 1992yan da li Kobanêyê tevlî rêxistinê bû. Demeke dirêj li Zagrosê çalakî li dar xist. Di sala 2011î da wek berpirsiyarê gişkî yê Hekariyê wezîfe kir. Nika berpirsiyarê "hêzên taybet ê yekîneyên digerin".

- Ji bo tedawiyê çû Fransayê

Ahmet Şekerê ku navê xwe kiriye Fazil Gîte Şinaxî Botan Kerîm ê rêveberê komîteya "Rojavayê" yê rêveberiya bilind a Sûriyeyê ya PKK/KCKyê ye, di cotmeha 2013an da bû endamê konsêya HPGya şaxa çekdar. Şeker di 2013an da ji bo komîteya navend a PKKê hat hilbijartin. Dema ku berpirsiyarê rasta Qendîlê bû di gulana 2014an da wezîfe danê û şandin Sûriyeyê. Di adara 2015an da di pevçûnê da birîndar ket û ji bo dermankirinê şandin Fransayê.