Erdogan namzedên şaredariyê yên 40 bajaran eşkere kir

ÎSTANBUL

Serokomar û Serokê Giştî yê AK Partiyê Recep Tayyîp Erdogan ji bona hilbijartina di 31ê Adara 2019an da namzedên şaredariyê yên 40 bajaran eşkere kir.

Erdogan li Navenda Kongreyê ya Halîçê di Civîna Nasandina Namzedên Şaredariyê yên AK Partiyê da axivî.

Serokomar Erdogan destnîşan kir ku Serokê Giştî yê MHPyê Birêz Devlet Bahçelî îro careke din eşkere kir ku ew li ser rê û rêgezên Îtifaqa Cumhur e û got ku mala wî ava be û wiha axivî: "Birêz Bahçelî ji bo piştgiriyê bide AK Partiyê li Stenbol, Enqere û Îzmirê namzed nîşan neda, ji bo vê biryarê ez sipasiya wî dikim."

Erdogan diyar kir Îtifaqa Cumhur ji bo wan yek ji xalên sereke yên têkoşîna beqayê ye û got em careke din beyan dikin ku em girêdayî wê ne û wiha dewam kir: "Tirkiye bi hêza ku ji Îtifaqa Cumhur hildide wê bi berpirsyariyeke zêdetir ji têkoşînên mezin bi serkeftinên mezintir derkeve."

Serokomar Erdogan destnîşan kir danezana xwe ya hilbijartinê înşallah meha pêş were piştî ku hemû namzedên xwe îlan kirin wê pêşkêşî teqdîra miletê xwe bikin.

Erdogan destnîşan kir bi gotina Birêz Bahçelî dizanin ku li hember "îtifaqa zîletê" ya di hilbijartina 31ê Adarê da li dijî Îtifaqa Cumhur sekinîbû barê wan çiqasî giran e û wiha got: "Di nav vê îtifaqa melûm (Îtifaqa Milet) da ji welatperweriyê bigir heta dijî neteweperweriyê çi bibêjî heye. Ji îtifaqeke wiha ya ku rêxistina terorê di nav da ye qet îtifaqa neteweyî dertê? Ji nav rêxistinbûneke wiha ya ku rêxistina terorê pêştevaniyê didê qet welatperwerî derdikeve?"

Serokomar Erdogan diyar kir li pey nînin ku gel bixapînin, armanca wan ew e ku dilê gel bikin û got ku me beriya her tiştî têkoşîn da ku dilan feth bikin û wiha peyivî: "Niha em diçin hilbijartineke nû, ji bona 31ê Adara 2019an dirûşma m e eşkere ye, lê em ê bi hev ra manîfestoya xwe ya hilbijartinê eşkere bikin. Taybetiya herî muhim ya heyama nû ew e ku em şaredariyên xizmetê bi şaredariyên dilsoziyê derdixin asteke bilindtir."

Erdogan diyar kir di her hilbijartinê da hedefa AK Partiyê ew e ku heta ji dest were ji sedî sed rayan bigire û got ku em çiqas nêzîk bibin em ewqasî serkeftî ne.

Serokomar Erdogan diyar kir di bin banê AK Partiyê da ji bo kesên qure, pozbilindiyê dikin, milet piçûk dibînin û bi nexweşiya ji gel dûr sekinînê ketine, cî tuneye.

- Serokomar Erdogan namzedên şaredariyê yên 40 bajaran eşkere kir

Serokomar û Serokê Giştî yê AK Partiyê Recep Tayyîp Erdogan ji bona hilbijartina di 31ê Adara 2019an da namzedên şaredariyê yên 40 bajaran eşkere kir. Bajar û namzedên ku ji hêla Serokomar Erdogan va hatin eşkerekirin ev in:

Adiyeman: Suleyman Kilinç

Amasya: Cafer Ozdemir

Antalya: Menderes Turel

Ardexan: Yunus Baydar

Artvîn: Mehmet Kocatepe

Bartin: Yusuf Ziya Aldatmaz

Batman: Murat Guneştekîn

Bayburt: Fatîh Yumak

Bitlîs: Nesrullah Tanglay

Bolu: Fatîh Metîn

Burdur: Deniz Kurt

Bursa: Alînur Aktaş

Denizlî: Osman Zolan

Diyarbekir: Cumalî Atîla

Duzce: Faruk Ozlu

Elezîz: Şahîn Şerefogullari

Erzirom: Mehmet Sekmen

Gazîentab: Fatma Şahîn

Gîresun: Aytekîn Şenlîkoglu

Gumuşhane: Ercan Çîmen

Hekarî: Cuneyt Epcîm

Kahramanmaraş: Hayrettîn Gungor

Karabuk: Burhanettîn Uysal

Kastamonu: Tahsîn Babaş

Kirikkale: Mehmet Saygili

Kirklarelî: Burak Suzulmuş

Kayserî: Memduh Buyukkiliç

Kilîs: Mehmet Abdî Bulut

Kocaelî: Tahir Buyukakin

Meletî: Selahattîn Gurkan

Nevşehir: Rasim Ari

Nîgde: Emrah Ozdemir

Ordu: Hilmî Guler

Rîze: Rahmî Metîn

Samsun: Mustafa Demir

Sînop: Alî Çopçu

Şanliurfa: Zeynel Abîdîn Beyazgul

Şirnex: Mehmet Yarka

Tekirdag: Mestan Ozcan

Yalova: Yusuf Ziya Oztabak