"Ev xiyaneta li umetê ye, ne tiştekî din e"

DIYARBAKIR

Li Diyarbekirê, li hember hewla derbeyê ya Rêxistina Terorê ya Fethullahî (FETO) welatî di "nobeda demokrasiyê" da berdewam in.

Welatiyan alayên Tirkiyeyê hilgirtin û li Park Ormana navçeya Kayapinarê civiyan. Prof. Dr. Nîhat Hatîpoglu jî beşdarî nobedê bû û kevok firandin û ji bo Tirkiyeyê û cografyaya Îslamê due kir.

Hatipoglu di axaftina xwe da destnîşan kir ku FETO û PDYê ummet gelekî çewsandiye û got, "Me hemiyan ji destê vê saziya paralel zirar dît. Çimkî rêbazeke lewitandinê dişopînin, dixwazin hemî kesî lekedar bikin û kesî ewle nehêlin."

- "Ev xiyaneta ummetê ye, ne tiştekî din"

Hatîpoglu anî ziman ku 40 sal e hewla derbeyê tê plankirin û got, "Me bi mebesta ku Xwedê nas bikin, dîn hîn bibin, ji gunehan dûr bikevin me zarokên xwe şandin mektebên wan. Lê belê mixabin paş demekê bi tankan ajotin ser dê û bavên xwe. Ne carekê sed carê mixabin. Em heqê xwe û keda xwe li wan helal nakin, li wan heram be. Ev xiyaneta li ummetê ye, ne tiştekî din e."

- "Heger ji Tirkiyê derbas bin Mekke û Medîneyê ji dest biçin"

Hatîpoglu got yê ku siberojê tayîn bike, milet bixwe ye û dezgehên îstixbarata welatên dereke nikarin dahatûya Tirkiyê kifş bikin û wiha bal kişand:

"Heger şeva hewldana derbeyê xelk daneketa kolanan, li welat dê sêdar bihatana danîn. Dê bi hezaran însan înfaz bikirana. Dê lûleya çekan bidana ber eniyan û gule agir bikirana. Ji ber hindê bi rastî jî Xwedê ev milet ji mûsîbeteke mezin xilas kir. Taybetmendiyeke vê erdnîgariyê heye, heger ji Tirkiyê derbas bin, Mekke û Medîneyê ji dest biçin. Viya ji bîr mekin. Yên ku li ser Tirkiyê hesaba dikin, armanca wan bidestxistina Medîneyê û rûxandina Kabeyê ye. Xwedê bira fersendê nede van zaliman."

Hatîpoglu destê Saliha Gunduza 80 salî ya ku derket ser platformê maçî kir û paşê ji qadê veqetiya.

- Hewldana derbeyê neqş kirin

Di vê navberê da ji aliyê Serokatiya Baskê Ciwanan ê Parêzgeha Diyarbekirê yê AK Partiyê li Park Ormanê stand hat vekirin. Beşdarvanan hizr û serpêhatiyên xwe yên di şeva hewldana derbeya FETO da di deftera li standê da nivîsîn.