Li Antalyayê otobês welgeriya: 20 birîndar

Li Aksekiya navçeya Antalyayê otobêsa rêwiyan welgeriya û di qezayê da 20 kes birîndar bûn, rewşa 4 kesan giran e.

Otobêsa bi pîlaqeya 42 ADF 220 a hê nasnameya ajokarê wê nayê zanîn li tanga Murtîçiyê ya li ser rêbejaya Aksekî-Manavgatê welgeriya.

Di qezayê da 5ê wan zarok 20 kes birîndar bûn. Gelek ambûlans û wesayîtên agirkujiyê sewqî herêmê kirin.

Welatiyên ji wê derê derbas dibûn kesên birîndar ji otobêsê derxistin. Welatiyan bi şemsiye, carcim û naylonan kesên birîndar mihefeze kirin ku serma nekin.

Birîndar rakirin nexweşxaneyên li dorberê, hat ragihandin ku rewşa 4 birîndaran giran e.