دانیشتنی دادگای باڵای فیدراڵیی عێراق لەبارەی مووچەی مووچەخۆرانی ھەرێم دواخرا

ھەولێر ــ AA

دانیشتنی دادگای باڵای فیدراڵیی عێراق بۆ دەرکردنی فەرمانى وەلائی لەبارەی خەرجکردنی مووچەی مووچەخۆرانی ھەرێم، دواخرا.

وابڕیار بوو ئەمڕۆ دووشەممە، دانیشتنی دادگای باڵای فیدڕاڵی عێراق بۆ دەرکردنی فەرمانی وەلائی لەبارەی خەرجکردنی مووچەی مووچەخۆرانی ھەرێمى كوردستان لەلایەن وەزارەتی دارایی عێراقەوە ئەنجام بدرێت.

بەپێی ئەو زانیارییانەی کە دەست کەوتوون، دانیشتنەکەی ئەمڕۆی دادگای باڵای فیدراڵیی عێراق، بۆ ٢٨ی ئەم مانگە دواخراوە.