Dlshad Saifaalddin Ahmed
02 کانوونی دووەم 2018•نوێکردنەوە: 03 کانوونی دووەم 2018
سلێمانی ـ AA
گوتەبێژی مەرزەکە، ئارام سایەخان لەو بارەیەوە بە ئاژانسی ئانادۆڵوی راگەیاند "ئەمڕۆ لە لایەن بەرپرسانی کۆماری ئیسلامی ئێران ئاگادار کراینەوە بە کردنەوەی مەرزەکە و ئاساییبوونەوەی ئاڵوگۆڕی بازرگانی و سەردانی گەشتیاران لەو رێگەیەوە و کاروباری مەرزەکە وەک پێشتر ئاسایی دەبێتەوە".
لە دوای ئەنجامدانی ریفراندۆمی ھەرێمی کوردستان لە رۆژی ٢٥ی ئەیلوولی رابردوو لە درێژەی کاردانەوەکان بەرامبەر ئەو پڕۆسەیە لە رۆژی ١٥ی تشرینی یەکەمی ٢٠١٧، کۆماری ئیسلامی ئێران ئەم دەروازەیەی ھاوشێوەی دەروازەی باشماخ و حاجی ئۆمەران داخست.
ھەرچەند دوای چەند رۆژێک، دەسەڵاتدارانی ئەو وڵاتە دەروازەی باشماخ لە سنووری پارێزگای سلێمانی کردەوە، بەڵام تا ئەمڕۆ دوو دەروازەکەی دیکە (پەروێزخان و حاجی ئۆمەران) کە سێ دەروازەی رەسمی نێوان ھەردوولایە بە داخراوی مانەوە.
