نرخی بەرمیلێک نەوتی خاوی برێنت گەیشتە ٥٥ دۆلار و ١٣ سەنت

ئیستانبوڵ - AA

بەرمیلێک خاوی برێنت بە ٥٥ دۆلار و ١٣ سەنت لە بازاڕەکاندا مامەڵەی پێوە دەکرێت.

دوێنێ نرخی بەرمیلێک نەوت تا ٥٦ دۆلار و ٥٩ سەنت بەرزبووەوە و رۆژەکەی بە ٥٥ دۆلار و ١٠ سەنت تەواو کرد.

بەڵام کاتژمێر ٠٩:٤٦ی بەیانی ئەمڕۆ نرخەکان بە رێژەی سەدا ٠،٠٥ بەرزبوونەوەیان بەخۆوەبینی و بەرمیلێک خاوی برێنت بە ٥٥ دۆلار و ١٣ سەنت فرۆشرایە کڕیاران.

لە هەمان کاتدا بەرمیلێک نەوتی رۆژئاوای تەکساس بە ٥٢ دۆلار و ٢٠ سەنت مامەڵەی پێوە کرا.

لە لایەک بەردەوامی بڵاوبوونەوەی پەتای کۆرۆنا و ئاستەنگەکانی بەردەم هەڵمەتی کوتان خواستیان لەسەر نەوت کەمکردووەتەوە، لە لایەکی دیکەشەوە بڕیارەکەی سعوودیە بۆ کەمکردنەوەی بەرهەمهێنانی نەوت لە مانگی شوبات و کەمبوونەوەی یەدەگەکانی نەوتی ئەمریکا رێگری لە دابەزینی نرخی نەوت دەکەن.

ئەمەش وای کردوە تا رادەیەک نرخەکان جێگیربن و گۆڕانکاری زۆریان بەسەردا نەیەت.